IIBER UNS

Es sin emol e baar Männli gsi, die hän sich prächtig verstande, und amene schééne Daag hän sì beschlosse zämme Faasnachts z’mache. Anstatt nàäbe dra – z’mitst drinn sì. Jedoch nid uf de billige Blätz sondern nùmme an beschter Laag, jä nid weniger als e Looge mues es sì und so het’s Theater agfange.
Hit het jede vo uns uf em Waage si aigeni Looge mit eme Baldachin und eme Kronlychter. Und well sich das so géért, sin mir au mit Fragg und Zylinder unterwägs.

Mittlerwiile sind no weenigi Gryndigsmitgliider drbi, do hald ab und zue eine kunnt und au eine goot. Doch alli vo de Logebrieder händ Härz uf em rächte Flägg.

Denn me drifft sich nid nùmme an dr Faasnacht sonder suecht sich au unterm Jòòr. Ganz speziell sind au unseri Bummelusflüüg.
Ob nach Asti go Trüffelfrässe, zem Pavarotti uf Modena oder zämme nach Schottland, es sind näbe dr Faasnacht au immer groosartigi Momänt.

Mir sin e wilde Hufe wo zäme goot und zäme stoot .